Frekar blue..

Æi er frekar blue i augnablikinu...Ísland tapaði í gær, ég er að fyllast af kvefi og svo er ég ein heima alveg fram á Sunnudag...and to be honest with you þá leiðist mér pínu, karlinn er búinn að vera eitthvað svo mikið í burtu undanfarið að mér er farið að líða eins og einstæðri..hehehe...hins vegar verð ég að líta á björtu hliðarnar..Júlíus svaf alveg með afburðum vel í nótt..og það er saga til næsta bæjar..

Annars verður nóg að gerast um helgina..ég er að fara að gæsa vinkonu mína á Laugardaginn í Aarhus og svo á Sunnudaginn er smá æfingabúðir í badmintoninu þannig að mér ætti ekki að leiðast um helgina..

Áfram Ísland...

vil bara minna á landsleikinn í kvöld..Ísland-Danmark..ekki spurning að maður horfir á hann.  Vona bara að strákarnir hristi af sér minni máttarkenndina gagnvart dönum og vinni..hafa tapað 18sinnum fyrir Dönum..skora á þá að láta þá tölu ekki ná 19..væri líka frábært að lækka aðeins niður í dönum..svo montið lið..Áfram Ísland..nananana..

Mömmugrúppa..

Var að koma heim eftir hitting hjá mömmugrúppunni minni...reyndar var þetta fyrsti hittingurinn hjá okkur..var svona pínu skeptísk svona fyrirfram..nenni ekki svona kökusamkeppni og endalausum barnasamanburði..eeen þetta var bara ósköp huggó og verður endurtekið eftir tvær vikur eða svo..reyndar sá Júlíus til þess að við verðum ekki gleymd á næstunni...drengurinn gerði stórt nr. 2 þannig að það hvein og söng í öllu húsinu, með tilheyrandi lykt og það náði bókstaflega frá eyrum og niður á tær, og  meira segja á skyrtu móður hans..  Ég held barasta að hann hafi aldrei á sinni stuttu ævi gert annað eins...og ég fékk skýringu á því hvers vegna hann var svakalega órólegur í nótt...hefur átt ill í mallakút trúlega..sem betur fer var ég með smá aukaföt með..og guðisélof fyrir gammósíurnar sem eru búnar að liggja lengi í skiftitöskunni og var á leiðinni að taka þær úr henni...hann liggur auðvitað núna og steinsefur..með sælubros á vor..nema hvað...

Laugardagur..

til lukku..mikið rosalega er ég mikill aðdáandi laugardaga..og þó svo að allir dagar séu í rauninni eins hjá mér þar sem að ég er í orlofi þá er eitthvað alveg spes við laugardaga..allavegana byrjaði daginn með því að senda karlinn af stað á sólarhrings djamm..eða svo gott sem..hann er einhversstaðar í Árósum að staupa sig með vinum..steggjapartý..ég geri bara ráð fyrir því að þeir hegði sér eins og herramenn...svo þegar búið var að losa sig við karlinn fórum ég og Júlíus minn í ungbarnasund og jidúddamía hvað það var gaman...hann var alveg að fíla sundið elsku gullið mitt..buslaði og spriklaði og vildi nærri því bara synda sjálfur..mér er strax farið að hlakka til næsta tíma...svoooo þegar að sundtímanum var lokið fórum ég og Júlíus hrein og nýstrokin í bæinn...og mamman nældi sér í nýjar Diesel buxur og nýjan vetrajakka..smá mórall í gangi akkúrat núna..en það gengur trúlega fljótt yfir...nú þegar að verslunarleiðangrinum var lokið brunuðum við mæðginin til Horsens í vöfflukaffi til Eydísar og fjölskyldu...það var mikið gaman að hitta þau öll og ofurhundinn hana Heru sem mér sýnist á öllu er kvenútgáfan af honum Austin..lífleg og skemmtileg..

Svooo til að slá botn í annars ljómandi dag..datt mér í hug að líta á netið(surprise surprise) og viti menn fann ég ekki þessa líka hræbillegu miða beinustu leið til nafla alheimsins, já akkúrat Akureyrar.  Þar sem grasið er aðeins grænna, hafið er aðeins blárra og snjórinn aðeins hvitari..neibb smá djók..en til að gera langa sögu stutta skellti ég mér barasta á þá og ég og Júlíus minn verðum á eyrinni góðu frá 9. til 19. nóvember þannig að allir sem vettlingi geta valdið láta auðvitað leið sýna liggja þangað akkúrat þá...til að sjá okkur auðvitað..

Þannig að svona "to sum it up" þá fer ég einum gallabuxum, vetrarjakka og flugmiða ríkari í rúmið í kvöld....jessör..laugardagar svíkja sjaldan...

Þreytt..

þessa dagana..litla gullið mitt hefur verið óþægur á nóttunni og vaknar allt of oft..og þar sem að ég sé um næturvaktina er ég býsna þreytt...svo er ég með einhverja vöðvabólgu í hálsinum og búin að vera með spennuhöfuðverk í 3 daga..eyminginn ég..jæja nóg af væli..

Mamma og pabbi héldu heim á leið fyrir viku..takk fyrir komuna það var virkilega gaman að fá ykkur í heimsókn!  Núna er ég að skoða beint flug til Akueyrar í Nóvember..verð aðeins að kíkja á eyrina með reglulegur millibili...

Júlíus er alltaf jafn duglegur(nema með svefn á nóttinni)..rúllandi um öll gólf, hjalandi og það bætast alltaf ný hljóð við.  Það er svo spennandi að fylgjast með hvað hann þroskast hratt...og tíminn líður svo hratt..

Helgarplönin eru:

-Thibaut er í burtu allann daginn á morgunn, það á að steggja einn af félögunum...(ég spyr að leikslokum)

-Ungbarnasund í fyrramálið..fyrsti tímínn á morgun..hlakka mikið

-Jafnvel á döfunni að renna til Horsens á morgun og heimsækja Dísu frænku mína sem er  nýflutt til Danaveldis..sjáum til hvernig heilsan er á morgun..

-Brynja, Elli og krakkarnir ætla að kíkja í kaffí á sunnudaginn...verðum gaman að sjá gengið..

Thats all folks....