Svefn, yndislegur svefn..

Ég hef nú aldrei leyft mér að kvarta hérna yfir svefnleysi sonar míns...sérstaklega þegar ég les að Áslaug vinkona mín hefur verið að slást við sama vandamál hjá syni sínum...munurinn á okkur er bara sá að ég á ekki tvö önnur lítil börn og ég er ekki að berjast fyrir lífi og heilbrigði eins þeirra.  Þannig að í hvert skipti sem ég vorkenndi sjálfum mér alveg svakalega útaf þreytu og svefnleysi þá varð mér oft hugsað til hennar og hálf skammaðist mín fyrir að vera að væla út af engu.  Nú spyrja örugglega margir af hverju í ósköpunum er hún þá að tala um þetta?  Nú skal ég segja ykkur frá því...Júlíus Aron er farin að sofa á nóttunni og svaf t.d. nota bene frá kl. 21.00 í gærkvöldi til kl. 08.00 í morgun...Hallelúja og dýrð sé Guði...svona er þetta búið að vera nokkurn veginn alla vikuna...Ástæðan liggur trúlega í því að við færðum kvöldmatinn til kl. 18.00 og svo fær hann smá graut rétt fyrir svefninn þannig að hann sofnar saddur og glaður...eymingja barnið hefur greinilega verið að vakna hungurmorða oft á nóttunni...allavegna..ég er svo ánægð að ég varð að deila þessu með ykkur, besta jólagjöf í heimi....SVEFN.

Jólahátíðin er rétt handan við hornið og síðustu gjafirnar voru keyptar í gær.  Í dag er svo verið að pakka í töskur því á morgun brunum við til Köben.  Við höldum jólin heilög saman með tengdó í ár og planið er að keyra á þollák til Mön þar sem að þau eiga sumar/heilsárshús.  Happy day´s are her to stay sagði einhver...og mig hlakkar barasta til að komast í sveitina.  Auðvitað eru engin jól eins og jólin heima en því miður sáum við okkur ekki fært að vera á Íslandi þessi jól.

 

 

Athugasemdir

[Gunnar Helgi Eysteinsson, 21.12.2006 kl. 12:22]

Það er alltaf einhver sem hefur það verra, Því á ekki að vera með mælistiku um það...  Gott að þú gast loksins sofið

[Ólafur fannberg, 22.12.2006 kl. 08:21]

tími á svefn og gleðileg jól

[Eydís (IP-tala skráð) 23.12.2006 kl. 17:09]

Gleðileg jól elsku fjölskylda. hafið það sem allra best í sveitinni um jólin.

Kv. frá eyrinni Eydís